Sansar News
८ चैत हेटौँडा। प्रदेश ३ का मुख्यमन्त्री डोरमणि पौडेलले हेटौँडामा रहेको गौरीटार रङ्गशालालाई अन्तर्राष्ट्रियस्तरको रङ्गशाला बनाउने बताउनुभएको छ । बिहिबारबाट हेटौँडामा शुरु भएको दोस्रो भूगर्भ सिमेन्ट शहीद स्मृति मकवानपुर गोल्डकपमा मुख्यमन्त्री पौडेलले हेटौँडाकै हुप्र चौरलाई पनि प्याराफिटसहितको फुटबल मैदानका रुपमा विकास गरिने बताए । प्रदेशको फुटबलको स्तर वृद्धि गर्न सरकार लागिपर्ने उनको धारणा थियो ।
मुख्यमन्त्रीले विगतमा मकवानपुर फुटबलले राष्ट्रिय प्रतियोगिताहरुमा राम्रो प्रस्तुति देखाउने गरेकामा अचेल त्यस्तो नदेखिएको बताउँदै मकवावपुर फुटबलले आफ्नो पुरानो साख फर्काउन लाग्नुपर्ने धारणा राखे । प्रदेश ३ का प्रमुख प्रतिपक्ष दलका नेता इन्द्रबहादुर बाँनियाले मकवानपुर गोल्डकपले नेपाली फुटबलको विकासमा योगदान दिने बताए ।
बिहिबारबाट हेटौँडामा शुरु भएको गोल्डकपमा विभिन्न राष्ट्रियस्तरका १० टोलीको सहभागिता रहनेछ ।
वि.सं.२०७५ चैत ८ शुक्रवार ०८:३२ मा प्रकाशित
