हामी सबैकाे संसारन्यूज

१५ चैत, काठमाडौं । पाँच जनाको ज्यान जाने गरी ६ वर्ष अघि जनकपुरको रामानन्द चोकमा गराइएको बम बिस्फोट मुद्दामा जिल्ला अदालत धनुषाले पूर्वराज्यमन्त्री सञ्जय साह (टकला) सहित ७ जनालाई जन्मकैदको फैसला सुनाएको छ । विस्फोटमा संलग्न वारदाताको योजना बुनेका ७ जनामाथि ज्यान मारेको र ज्यान मार्ने उद्योग गरेको दुवै मुद्दामा अदालतले विहिबार फैसला सुनाएको हो ।

न्यायाधिश राजेश कटुवालको इजलासले ५ दिन लामो सुनुवाइपछि प्रतिवादी मध्ये ७ जनालाई जन्मकैद र १ जनालाई १० वर्ष कैद र फरार ४ जनाको हकमा मुद्दालाई मुल्तवी राखेको हो । बम विस्फोट गर्ने व्यक्तिको नाममा १० हजार रुपैयाँ काठमाडौं आएइमई गरेका सुजित पाण्डेलाई भने अदालतले सफाइ दिएको छ ।

२०६९ बैशाख १८ गते जनकपुर रामानन्द चोकमा बम विस्फोटको योजना बुनेको ठहर गर्दै धनुषा अदालतले पूर्वराज्यमन्त्री सन्जय साह, भूमिगत शसस्त्र संगठनका नाइके मुकेश कुमार चौधरी, र राजन मुक्ति भनिने रञ्जित झालाई जन्मकैदको फैसला सुनाएको हो । ज्यान मार्ने उद्योगमा यी तीनैजनालाई १२ वर्षको कैद पनि सुनाइएको छ ।

शुक्रबारको कान्तिपुर दैनिकमा जनकपुरबाट अजित तिवारी र सन्तोष सिंहले लेखेका छन् ।