१५ चैत, काठमाडौं । नेपाल सरकार गृहमन्त्रालयले नेत्र विक्रम चन्द ‘विप्लव’ नेतृत्वको नेकपाका विषयलाई लिएर सार्वजनिक सूचना नै जारी गरेको छ ।
मंत्रालयद्धारा जारी सूचनाका अनुसार यो समूहलाई आर्थिक तथा अन्य सहयोग गरेको पाइएमा त्यस्तो सहयोग दिने र लिने तथा गर्ने र गराउनेलाई समेत कानुन बमोजिम कारबाही हुने जनाएको छ ।
विप्लवसँगै जनयुद्ध लडेर आएका प्रभवशाली माओवादी नेता राम बहादुर थापा ‘बादल’ को कमाण्डमा रहेको गृहमन्त्रालयले विप्लव समूह भनेर चिनिने नेपाल कम्युनिष्ट पार्टी नामको समूहले आतंककारी काम गरेकोले यो समूहलाई समेत आपराधिक तथा विध्वंशकारी समूह मानिने जनाएको छ । मन्त्रीपरिषद्को फागुन २८ को निर्णयलाई उद्धृत गर्दै गृहमन्त्रालयले विप्लव समूह प्रति कडा नीति अपनाउने संकेत देखाउँदै शुक्रबार गोरखापत्रमा सार्वजनिक सूचना जारी गरेको हो ।
वि.सं.२०७५ चैत १५ शुक्रवार ११:४४ मा प्रकाशित
