हामी सबैकाे संसारन्यूज

वसन्त अनुभव,वसन्तविहार, घोराही, दाङ

१.
जस्तो रोप्दछौँ उस्तै
हामीले यस धर्तीमा
पाउछौँ फल दुरुस्तै।

२.
अरूको कुभलो सोच्न
छोडौँ अब आजैदेखि
वचनको सियोले घोच्न।

३.
यत्तिँकै मुक्का हान्न
छोडिदेऊँ हजुर यहाँ
सोझोको खुट्टा तान्न।

४.
हुनुपर्दछ सबैलाई बोध
कर्तव्य होइन हाम्रो
विरोधका लागि विरोध ।

५.
राम्रो नराम्रोको कसीमा
हरकुरा राखेर हेरौँ
आलोचना गरौँ दसीमा ।

६.
पूर्वाग्रह राखेर धेरै
हतार नगरौँ बोल्न
अशुभ कुरा जतिखेरै ।

७.
नभनौँ आफ्नो बिरानो
सही मूल्याङ्कन गरौँ
नछुट्याई ठूलो, सानो ।

८.
जहिल्यै कुरा टार्ने
होइन बानी राम्रो
अरूको भाग मार्ने ।

९.
आचीको बास्ना अत्तर
आफ्नाको हो भने
अरूको अमृतै फोहर ।

१०.
खाली कुरा काटेर
कतिन्जेल बस्छौ तिमी
निर्धा सोझा ढाँटेर ।