१७ चैत, काठमाडौ । देशकै एक मात्र केन्द्रीय बाल अस्पताल स्वास्थ्यकर्मी रबजेट अभावमा पुगेको छ । तीन सय १५ बेडको कान्ति बाल अस्पतालले पछिल्लो एक महिनामा ४६ बेड कटौती गरेको छ । कान्तिले आइसियू ६, इन्टरमिडियट आइसियूमा लैजानुपूर्व बिरामी भर्ना गरिने बेड १० र एक्स्ट्रा ३० गरी ४६ बेड कटौती गरेको हो ।
यसअघि ५२ बेडको केन्द्रीय आइसियूको अवधारण भए पनि ३७ वटा आइसियू बेड सन्चालनमा थिए । इन्टरमिडियट बेडको संख्या २० थियो । पुस ०७३ सम्म कान्तिको आइसियूमा १८ बेढ थिए । बिरामीको चाप बढेपछि तत्कालीन स्वास्थ्यमन्त्री गगनकुमार थापाले २२ पुस ०७३ देखि आइसियूमा ३४ बेड थप गरेका थिए । यद्यपि अस्पतालले ५२ वटा आइसियू बेड सन्चालन गर्न सकेन । जम्मा ३७ बेड मात्र सन्चालित थियो । आइतबारको नयाँ पत्रिका दैनिकमा अर्जुन अधिकारीले लेखेका छन् ।
वि.सं.२०७५ चैत १७ आइतवार ०७:४० मा प्रकाशित
