Sansar News
५ बैशाख, काठमाडौ । काठमाडौ उपत्यका लगायत देशका विभिन्न भागमा बर्डफ्लुको संक्रमण देखिनेक्रम रोकिएको छैन । पछिल्लो समय काठमाडौ, भक्तपुर, ललितपुर, मकवानपुर, कास्की, मोरङ, सुनसरी लगायतका जिल्लामा बर्डफ्लुको संक्रमण देखिएको छ ।
बर्डफ्लु पुष्टि भएपछि सरकारले हालसम्म हजारौ कुखुरा नष्ट गरिसकेको छ भने त्यही अनुपातमा अण्डा र दानासमेत नष्ट गरेको छ । पशु सेवा विभागले हालसम्म बर्डफ्लुको संक्रमणबाट नेपालमा मानिसको मृत्यु नभएपनि सर्वसाधारणलाई बर्डफ्लुबारे सर्तकता अपनाउन आग्रह गरेको छ ।
पशु सेवा विभागका अनुसार काठमाडौमा ३८ हजार ९३२ कुखुरा नष्ट गरिएको छ । यस्तै दाना ११ हजार दुई सय केजी र अण्डा १० हजर २१५ वटा नष्ट गरिएको छ । बिहीबारको गोरखापत्र दैनिकमा सरोज ढुङ्गेलले लेखेका छन् ।
वि.सं.२०७६ वैशाख ५ बिहीवार ०८:०१ मा प्रकाशित
