हामी सबैकाे संसारन्यूज

६ बैशाख, हेटौडा । छोराछोरी स्कुल भर्ना नगर्ने अभिभावकलाई राक्सिराङ गाउँपालिकाले सेवासुविधाबाट कन्चित गर्ने भएको छ । गाउँपालिकाको गाउँ शिक्षा समिति बैठकले यस्तो निर्णय गरेको हो । विपन्नताका कारण पढ्न नपाएकाहरुलाई विद्यालय पोसाकसहितका सामाग्री उपलब्ध गराएर निशुल्क पढाउने बैठकको निर्णय छ ।

चेपाङ बाहुल्य उक्र क्षेत्रका बालबालिका गरिबीकै कारण विद्यालय भर्ना हुँदैनन् । गरिबीका कारणले छोराछोरी पढाउन नसकेको जानकारी दिए, गाउँपालिकाले नै भर्ना गरेर पढाइदिने गाउँपालिका अध्यक्ष राजकुमार मल्ले बताए । आफै जागरुक भएर नपढाउने र आथिृक अभावले नसकेका भए पनि गाउँपालिकालाई जानकारी नगराउनेलाई चाँहि सेवासुविधाबाट बन्चित गर्नेछौ उनले भने ।

राक्सिराङले यस शैक्षिक सत्रमा गाउँपालिकाभित्रका पढ्ने उमेरका बालबालिकालाई स्कुल भर्ना गराउने अभियान चलाउने निर्णय गरेको छ । शुक्रबारको कान्तिपुर दैनिक बाट ।