Logo
१८ मंसिर २०७९, आईतवार
     Sun Dec 4 2022
E-paper
  English Edition
   Unicode
Logo

 तेल बनाएर रक्तचन्दनको तस्करी,प्रतिलिटर रु एक लाख



२५ कात्तिक, काठमाडौँ । रक्तचन्दन काठको तस्करीमा कडाइ गरेपछि पछिल्लो पटक पावडर (धुलो) का रुपमा तस्करी हुँदै आएको रक्तचन्दन अहिले तेलका रुपमा तस्करी हुन थालेको छ ।

यसको पछिल्लो घटनाका रुपमा नेपाल प्रहरीले बुधबार राजधानीको कीर्तिपुरबाट ९० लिटर रक्तचन्दनको तेलसहित दुई जनालाई पक्राउ गरेको छ ।

पाँचवटा ग्यालेनमा रक्तचन्दनको तेलसहित प्रहरीले त्रिभुवन विश्वविद्यालयको मूल गेटनजिकबाट ग्राहकको खोजीमा रहेका काभ्रेका फणीन्द्र भट्टराई र खोटाङका चन्द्रकुमार केसीलाई पक्राउ गरेको महानगरीय प्रहरी वृत कीर्तिपुरका प्रहरी नायब उपरीक्षक डा मेखराज खत्रीले जानकारी दिनुभयो ।

प्रहरीको बयानमा दुवै अभियुक्तले उक्त तेल कहाँबाट ल्याएको र कहाँ लैजान लागेको भन्ने सम्बन्धमा कुनै जानकारी नभएको र आफूहरु बीचको मान्छे भएको बताएका छन् । प्रहरीले दुवै जनालाई प्रतिलिटर रु एक लाखमा बिक्री गरिरहेको भन्ने गोप्य सूचनाका आधारमा ग्राहक बनेर पक्राउ गरिएको जनाएको छ ।

तेलसहित दुवैलाई वुधबार आवश्यक कारबाहीका लागि जिल्ला वन कार्यालय काठमाडौँमा पठाइएको प्रनाउ खत्रीले जानकारी दिनुभयो ।


यो खबर पढेर तपाईलाई कस्तो महसुस भयो ?

काठमाडौं । सत्तागठबन्धनको प्रमुख माओवादी केन्द्रले सरकार निर्माणका लागि सबै विकल्प खुला राख्ने निर्णय

काठमाडौँ । दोलखामा प्रतिनिधिसभा सदस्यमा नेकपा(एमाले) ले अग्रता लिएको छ । हालसम्म ३४ हजार

काठमाडौं । राष्ट्र बैंकले आजको बजारमा विदेशी मुद्राको विनिमय दर यसप्रकार तोकेको छ ।

वालिङ । गण्डकी प्रदेश स्यांग्जा जिल्लाको बांयखोलामा शहिद स्मृति कार्यक्रम सम्पन्न भएको छ ।