हामी सबैकाे संसारन्यूज

८ बैशाख, काठमाडौं । सुरक्षालाई थप मजबुत बनाउनका लागि बसुन्धराका २० स्थानमा सिसिटिभी जडान गरिएको छ ।

समुदाय–प्रहरी साझेदारी कार्यक्रम अन्तर्गत सङ्गम क्लवको सहयोगमा महाराजगंजस्थित बसुन्धरा नजिक संगम टोलमा करिब १३ लाख रुपैयाँको लागतमा २० स्थानमा सिसिटिभी शनिबार जडान गरिएको हो ।

महानगरीय प्रहरी परिसर काठमाडौंका प्रमुख प्रहरी वरिष्ठ उपरीक्षक बसन्तकुमार लामाले सिसिटिभीको उद्घाटन गर्दै प्रहरीले अगाडि सारेको समुदाय–प्रहरी साझेदारीलाई अगाडि लैजान सिसिटिभी जडानले सहयोग पुगेको बताए । उनले आगामी दिनमा पनि सहकार्य आवश्यक रहेको उल्लेख समेत गरेका छन् ।

कार्यक्रममा सङ्गम क्लबका अध्यक्ष हिक्मत शेरचनले शान्तिपूर्ण समाज निर्माणमा सहयोग र्पुयाउनका लागि क्लबले सिसिटिभी जडान गरेको जानकारी दिएका छन् ।

सिसिटिभीको महानगरीय प्रहरी प्रभाग तिलिङ्गाटारमा कन्ट्रोल कक्ष राखिएको छ । सिसिटिभी जडानका लागि महानगरीय प्रहरी वृत्त महाराजगंजले १ लाख ५० हजार आर्थिक सहयोग गरेको थियो ।