हामी सबैकाे संसारन्यूज

८ बैशाख, सप्तरी । झण्डै ८ लाख बराबरको मरिच सहित एक युवा पक्राउ परेका छन् ।

छिन्नमस्ता गाउँपालिका ३ स्थित नेपाल भारत सिमाना दशगजा नजिकबाट अवैध रुपमा बिक्री वितरणको लागि लैजाँदै गरेको करिव अवस्थामा पक्राउ गरिएको हो ।

८ लाख रुपैयाँ मूल्य बराबरको मरिच बोकेका सुनसरी छिटाहाका २८ बर्षीय सुन्दर सुतिहारलाई शनिवार साँझ प्रहरीले पक्राउ गरेको हो ।

ईलाका प्रहरी कार्यालय सखडा, सप्तरीबाट खटिएको प्रहरी टोलीले नेपालबाट भारततर्फ जाँदै गरेको को.१ च ९०३९ नम्वरको पिकअप भ्यानलाई जाँच गर्दा भ्यानभित्र २५ किलोको १ सय बोरा मरिच फेला पारी सवारी साधन सहित चालक सुन्दरलाई पक्राउ गरेको हो ।

पक्राउ सुन्दर सहित बरामद गरिएको उक्त परिमाणको मरिच र मरिच बोक्न प्रयोग गरिएको सवारी साधनलाई आवश्यक कारवाहीको लागि भन्सार कार्यालय सप्तरीमा पठाइएको जिल्ला प्रहरी कार्यालय सप्तरीले जनाएको छ ।