हामी सबैकाे संसारन्यूज

१९ बैशाख, काठमाडौं । संघीय समाजवादी फोरम र नयाँ शक्ति पार्टी एकिकरणको तयारीमा रहेको बताइएको छ ।

संघीय समाजवादीका नेता राजेन्द्र श्रेष्ठ र नयाँ शक्तिका नेता गंगा श्रेष्ठको लामो समयको पहलपछि एकता अन्तिम चरणमा पुगेको वार्तामा सम्मिलित नेताले बताए ।

एकतापछिको पार्टीको नाम र राजनीतिक लाइनबारे अझै सहमति नजुटेपनि आगामी सुक्रबारसम्म सबै कार्य सम्पन्न हुने ती नेताको दावी छ । फोरम अहिले प्रधानमन्त्री केपी शर्मा ओलीको नेतृत्वको सरकारमा रहेको छ ।

नयाँ शक्ति सत्ताको विपक्षमा उभिएको छ । तर, एकता पछि संसदीय दलको नेताको रुपमा पार्टीका अध्यक्ष उपेन्द्र यादवले सरकारको नेतृत्व गर्ने र डा. भट्टराईले पार्टी अध्यक्षको रुपमा पार्टी हाक्ने सहमति भएको ती नेताले बताए ।