हामी सबैकाे संसारन्यूज

हङकङ । हङकङको केन्द्रविन्दु मानिने अति व्यस्त सडकमा कामदारहरुको विभिन्न संगठनहरुले १३० औं अन्तराष्ट्रिय मजदुर दिवस मनाएका छन् ।

लामो ¥यालि प्रर्दशन गर्दै विभिन्न क्षेत्रका हजारौं कामदारहरुले बुधबार मध्यान्न उक्त दिवश मनाएका हुन् ।

हङकङको ट्रेड युनियनले मुख्य अगुवाई गरेको उक्त मजदुर दिवसमा ‘नेपाली निर्माण कामदार युनियन हङकङ’, सुदूर पूर्वी प्रवासी नेपाली संघ (फियोना), ‘नेपाली जनप्रगतिशील मञ्च हङकङ’, ‘ओभरसिस नेपाली वर्कस एसोसिएसन’, ‘घरेलु कामदार युनियन’ लगायत विभिन्न नेपाली संघ–सस्थाहरुले ¥यालिमा एक्यवद्घता जनाएको थियो ।

“वी आर वर्कअर-वी आर नट सेभ’ अर्थात हामी कामदार हौं– हामी सुरक्षीत छैनौ । अप्लै द स्ट्याण्डर वर्किङ आवर । कामदारुहरुको ज्याला वृद्धी गर । धेरै तहमा हुने ठेक्कापटा बन्द गर । ८ घण्टा भन्दा बढि काममा लगाउन पाइदैन । नाफा भन्दा पहिला सुरक्षाको प्रत्याभूति होस् । कामदारहरु मेशिन होइन । विश्वको मजदुर एक होऔं । मजदुर एकता जिन्दावाद । आकासिंदो महँगी नियन्त्रण गर । नेपाली कामदार माथिको भिषा प्रतिवन्ध फुकुवा गर । समान कामको समान ज्याला देउ । आइएलओ महासन्धि पूरा गर जस्ता नाराहरु थिए ।

हङकङको अति ब्यस्त स्थानहरु कजवे–बे स्थित भिक्टोरिया पार्क बाट सुरु भएको मजदुर ¥यालि सुगर स्ट्रिट, हेनेसी रोड, रोड्नी स्ट्रिट हुदै सेन्ट्रल गभरमेण्ट अफिस अगाडि पुगेर सभामा परिणत भएको थियो ।

हङकङका कार्यकारी प्रमुख केरी लामको कार्यालय भवन अगाडि भएको सभामा यहाँको स्थानिय चाइनिज मजदुर संघ–सस्था तथा विभिन्न देशका श्रमिकहरुको संगठनले आ–आफ्नै ज्ञापन–पत्र वुझाएको थियो ।

हङकङ सरकारले कामदारको तलब यो वर्ष प्रति घण्टा हङकङ डलर ३४.५ देखी हङकङ डलर ३७.५ वृद्घि गरेको थियो । तर, उक्त वृद्घि अहिलेको महंगो वृद्घिदरको आधारमा भने धरे नै कम भएको अगुवाइ सस्थाहरुले बताएका छन् । सरकारको निति मालिकहरुको पक्षमा रहेको आरोप समेत लगाएको छ ।

हङकङमा वार्षिक १०० कामदारहरु काम सम्बन्धी घाइते अपाङ्ग तथा विमारीको कारण मृत्यु हुने एक अध्ययनले बताएको छ । लामो समय काम गर्नु, परिवार संग घुलमेल हुने समय नहुनु, कामदर रोर्वटकै रुपमा प्रयोग गरिनु, तलब कम हुनु जस्ता कारण रहेको बताइएको छ ।

हङकङको स्थानिय चाइनिज संगै विदेशी निर्माण तथा घरेलु कामदारहरुको सयौं संघ-सस्थाले एक्यवद्घता जनाएको उक्त ¥यालिमा ५ हजार भन्दा धेरै जनसंख्याले भाग लिएको ट्रेड युनियनले बताएको छ । तर, हङकङ पुलिसले त्यत्रो संख्या नभएको बताएको छ ।

हङकङमा हुने मे डे अर्थात अन्तराष्ट्रिय मजदुर दिवसको अवसरमा हरेक वर्ष यहाँका नेपाली संघ–सस्थाहरुले भाग लिदै आएको छ । मजदुर दिवसमा भाग लिने नेपालीहरुको विभिन्न संघ–सस्थाहरुले हरेक वर्ष आ–आफ्नै माग पत्र वुझाउदै आएका छन् ।