हामी सबैकाे संसारन्यूज

६ जेठ , काठमाडौँ । शत्तारुढ दल नेपाल कम्युनिष्ट पार्टीको जिल्ला एकता तीनवटा जिल्ला बाहेक अन्यमा सकिएको छ । ललितपुर , काभे्र र चितवन बाहेक अन्य जिल्लामा तत्कालिन एमालेको तर्फबाट ५५ र माओबादिको तर्फबाट ४५ प्रतिशतको आधारमा एकता टुङ्गीएको नेकपा केन्द्रीय कार्यालयले जनाएको छ ।

चितवन र ललितपुरमा तत्कालिन माओवादिको तर्फबाट अन्तिम नाम दिन नसक्दा आज एकता नटुङ्गीएको हो । चितवन पार्टी अध्यक्ष पुष्पकमल दाहालको गृह जिल्ला हो । यस्तै ललितपुरमा नेता पम्फा भुसालको विशेष चासो रहेको छ । काभ्रेको एकता तत्कालिन एमालेका कारण टुङ्गीन नसकेको बताइएको छ । काभ्रेमा सन्चार मन्त्री गोकुल बास्कोटाको विशेष चासो रहेको छ ।