हामी सबैकाे संसारन्यूज

१५ जेठ, काठमाण्डौं । नेपाल सरकार प्रधानमन्त्री केपी शर्मा ओलीले गणतन्त्रको प्राप्तिका लागि लडेको लडाईँ र उपलब्धिको सम्मानमा उपाधि प्राप्त भएको बताएका छन् ।

प्रजातान्त्रिक जनगणतन्त्र कोरियाको काङनाम विश्व विद्यालयका तर्फबाट दिईएको मानार्थ विद्यावारिधी ग्रहण गर्दै प्रधानमन्त्री ओलीले त्यागको सम्मान गरिएको आफूले महशुस गरेको बताएका छन् ।

नेपाली सेना स्वास्थ्य विज्ञान संस्थान सानो भर्याङ काठमाण्डौंमा काङनाम विश्वविद्यालय कोरिया र त्रिभुवन विश्वविद्यालय नेपालको आयोजनामा गरिएको एक विशेष समारोहका विच प्रधानमन्त्री ओलीलाई Honorary Doctorate प्रदान गरिएको थियो ।

कार्यक्रममा मन्त्रीहरु, पार्टी नेताहरु, काङनाम विश्वविद्यालय कोरियाका प्रेसिडेन्ट डा.शिनील युन र उच्च अधिकारीहरु त्रिविविका उपकुलपति प्रा.डा तीर्थराज खनिया लगायतका उच्च पदस्थहरु र बौद्धिका समुदायको ठूलो उपस्थिति थियो ।

राजनीतिशास्त्र विषयमा मानार्थ विद्यावारिधी घोषणा गरेलगत्तै प्रधानमन्त्री ओलीलाई डा. केपी शर्मा ओली भनेर सम्बोधन गरिएको थियो ।

उक्त अवसरमा त्रिभुवन विश्वविद्यालय र काङनाम विश्वविद्यालयको सम्बन्ध प्रगाढ हुने बताइएको छ ।