Sansar News
१६ जेठ, युके । बेलायतमा रहेकी एक नेपाली महिलाको आगलागीमा परेर ज्यान गएको छ ।
साउथ इस्ट लन्डनको अर्पिङटनमा परिवारसहित बस्दै आएकी ४५ वर्षीया रन्जना गुरुङको आफ्नौ घरमा भएको आगलागीमा परेर मृत्यु भएको हो ।
बेलायतबाट प्रकाशित हुने अखबार ‘द सन’ ले आगलागीमा परेर गुरुङको मृत्यु भएको समाचार प्रकाशन गरेको हो । सोमबार राति जेठ १३ (२७ मे) मा भएको उक्त आगलागीमा परेर उनका श्रीमान हिम गुरुङ र दुई सन्तान छोरी एन्जल र १७ वर्षीय छोरा एलनपनि घाईते भएका छन् । हेम गुरुङको अवस्था चिन्ताजनक रहेको बताइएको छ ।
के कारणले आगलागी भयो भन्ने पूर्ण विवरण आइसकेको छैन भने सोमबार राति घरमा अगलागी भएपछि उनीहरु सहयोग माग्दै चिच्याएपछि छिमेकीले प्रहरीलाई खबर गरेको बताइएको छ । सवाघण्टामै उद्धार कार्य सकिएपनि रन्जनाको घटास्थलमै मृत्यु भएको पनि स्थानीय प्रहरीले जनाएको छ ।
१८ वर्षदेखि परिवारसहित बेलायतमा रहँदै आएकी रन्जना अरपिंगटनको प्रिन्सेस रोयल युनिभर्सिटीमा एक क्लिनरको रुपमा काम गर्थिन् ।
वि.सं.२०७६ जेठ १६ बिहीवार ११:०० मा प्रकाशित
