हामी सबैकाे संसारन्यूज

१९ जेठ, झापा । जिल्ला प्रहरी कार्यालय झापाले बैसाख महिनामा उत्कृष्ट कार्य गरेको भन्दै कृष्णदेव चौधरीलाई ‘पुलिस अफ द मन्थ’  घोषणा गरेको छ ।

इलाका प्रहरी कार्यालय झिलझिले झापा दरबन्दी भई प्रहरी कार्यालय झापामा कार्यरत चौधरीले बैशाख महिनामा ४,५५,९८० ( चार लाख पचपन्न हजार नौ सय असी) रुपैयाँ बराबरको भन्सार छलीका समान नियन्त्रण गरेर भन्सार दाखिला गरेकोले उनलाई उत्कृष्ट प्रहरीको सम्मान गरिएको प्रहरी उपरीक्षक दिनेश राज मैनालीले जनाएका छन् ।

अनुसन्धानका क्रममा विभिन्न अंकित व्यक्तिलाई पक्राउ गरी अनुसन्धान कार्यमा विशेष भूमिका निर्वाह गरी सांगठनिक मूल उद्धेश्य प्राप्त गर्ने कार्यमा अहोरात्र खटिई नागरिक माझ प्रहरीको छवि उच्च बनाउने कार्य गरेकोले चौधरीलाई Police of the Month  ‘पुलिस अफ द मन्थ’ घोषित गरिएको बताइएको छ ।