हामी सबैकाे संसारन्यूज

२१ जेठ । नेपाल प्रज्ञा –प्रतिष्ठानले साहित्यिक पत्रिकाको विवरण पेश गर्न अनुरोध गरेको छ । नेपाल प्रज्ञा –प्रतिष्ठान अन्तर्गत स्थापित पत्रिका सहयोग कोशद्वारा आ.व.२०७५÷२०७६ मा प्रदान गरिने सहयोगका लागि उक्त विवरण माग गरिएको हो ।

कोशद्वारा प्रदान गरिने सहयोगमा सहभागी हुन चाहने साहित्यिक पत्रिकाहरुले पत्रिकाको विवरण र वि. सं. २०७४/२०७५ मा प्रकाशित सबै अङ्क एक एक प्रति नमुना सहित यो सूचना प्रकाशन भएको मितिले ३५ दिनभित्र नेपाल प्रज्ञा–प्रतिष्ठानमा पुग्ने गरी आवेदन पठाउनु पर्ने बताइएको छ । सहभागी हुनका लागि आवश्यक पर्ने कागजातहरु तल उल्लेख गरिएको छ ।

आवेदन फारम प्रज्ञा–प्रतिष्ठानबाट वितरण भइरहेको छ भने www.nepalacademy.org.np बाट पनि आवेदन फारम डाउनलोड गर्न सकिने जनाइएको छ । वा सम्पर्क फोन नं. ०१–४२२४५९०/४२२१२८३ मा फोन गरी थप कुरा बुझन् सकिने छ ।
आबश्यक कागजातहरू :
१. पत्रिका दर्ता भएको प्रमाण पत्र भए सो र सो नभए सम्बन्धित प्रत्रिका प्रकाशित गर्ने संस्थाको दर्ता प्रमाण पत्र ।
२. प्रकाशन इतिहास, प्रकाशित वर्ष,अङ्क र नियमितताको सङ्क्षिप्त विवरण ।
३. पत्रिकाको पृष्ठ सङ्ख्या आवरण बाहेक डिमाईज साइजमा न्युनतम ४० पृष्ठ र म्यागेजिन साइजमा आवरण वाहेक न्यूनतम ३६ पृष्ठ हुनुपर्ने ।
४. पत्रिका प्रकाशन हुने स्थान ।
५.प्राथमिकताका साथ प्रकाशित हुने प्रमुख विषय साहित्य हुनुपर्ने ।
६.मुद्रण हुने प्रति (सङ्ख्या) ।
७. पूर्णतः साहित्यिक पत्रिकालाई मात्र यो सहयोग रकम प्रदान गरिनेछ ।