हामी सबैकाे संसारन्यूज

६ असार, विराटनगर । मोरङमा १९ वर्षीय एक युवती नातामा दिदी पर्नेको ‘सेटिङ’मा बलात्कृत भएकी छन् ।
पथरी शनिश्चरे नगरपालिका ५ की २२ वर्षीया अन्जना थापाले नातामा बहिनी पर्नेलाई मोरङ केराबारी गाउँपालिकास्थित गुराँस होटलमा पुर्याएर बलात्कारको वातावरण मिलाईदिएको प्रहरी अनुसन्धानबाट खुलेको छ ।
इलाका प्रहरी कार्यालय बेलबारीका प्रहरी निरीक्षक राम कुमार राईका अनुसार अनुसन्धानबाट अन्जनाले प्रेमी, सुन्दर हरैचा नगरपालिका १२ का ३९ वर्षीय सञ्जिव कुमार शंकरको आग्रहमा यो घटना गराएको देखिन्छ । अन्जनाले प्रेमी संजिव कुमार सँग मिलेर गोरखा पृथ्वीनगर ७ का ३२ वर्षीय विश्वास कट्टेललाई बहिनी नाता पर्नेलाई बलात्कारको वातावरण मिलाईदिएको राईले बताएको शुक्रबारको अन्नपूर्ण पोस्टमा समाचार छ ।
अन्जना र विश्वासवीच भने चिनजान नरहेको प्रहरीको भनाइ छ । प्रहरीका अनुसार सञ्जिव र विश्वास साथी–साथी हुन् । सञ्जिवको विराटचोकमा मेडिकल हल छ । उनीसँगको सम्पर्कका आधारमा गोरखाका विश्वास विराटचोकमा जग्गा कारोबारमा संलग्न छन् ।
पीडितको जाहेरीका आधार प्रहरीले तीनैजनालाई पक्राउ गरेर असार १ गते जर्वजस्ती करणीको मुद्दा चलाउन जिल्ला अदालत मोरङबाट म्याद थप गरेर घटनाको अनुसन्धान गरिरहेको छ ।