असार महिनाको अन्तिम रात चन्द्र ग्रहण लाग्ने भएको छ । चन्द्र ग्रहणलाई बुझ्ने विषयमा विज्ञान र धर्ममा केही भिन्नता पाइन्छ । ज्योतिष विज्ञान धर्म र विज्ञानको विश्लेषण गर्ने विज्ञान भएकोले ग्रहणलाई ज्योतिष विज्ञानले भिन्न तरिकाले बुझ्ने तथा बुझाउने गरेको पाइन्छ ।
असार ३१ गते राति १०ः५६ बजे स्र्पस भएर विहान ४ : १५ मा मोक्ष हुने चन्द्र ग्रहणको कुन राशीमा कस्तो प्रभाव पार्दछ ? भन्ने जिज्ञासा शान्त पार्न हामीले बाल्मिकी क्याम्पसमा उपप्राध्यापक डा. प्रकाश ढकालसँग कुरा गरेका छौं ।
ढकालका अनुसार ग्रहण लाग्नु भन्दा ५ घण्टा अगाडि नै ग्रहणको सुतक लाग्ने गर्दछ । रातिको समयमा चन्द्रमाबाटै आउने किरणलाई शान्ति वा सित किरण भनिन्छ । यिनीहरुबाट मानिस लगायतका प्राणीले सितलता प्राप्त गर्दछन । तर, ग्रहण लागेको बेला चन्द्रमाबाट आउने किरणहरुलाई पुत किरण भनिने डा ढकाल बताउँछन् । पुत किराणहरु दुषित हुने भएकोले यस्ता किरणबाट जोगिनु राम्रो भएको डा ढकालको सल्लाह छ ।
डा. ढकालका अनुसार यस्ता किरणबाट जोगिन घरभित्रै बस्ने, बाहिर निस्किएपनि पीपलको बोटमुनि बस्ने गरेमा राम्रो हुन्छ ।
असार ३१ को चन्द्र ग्रहणबाट कुन राशीलाई कस्तो प्रभाव पर्ला त ?
डा. ढकालका अनुसार मेष राशी–भएका मानिसहरुले यो चन्द्र ग्रहण हेरेमा इज्जत प्रतिष्ठामा आँच आउन सक्छ ।
वृष र मिथुन राशी भएका मानिस पनि यो चन्द्र ग्रहणबाट टाढै बसेको राम्रो हुने डा ढकालको सल्लाह छ । डा. ढकालका अनुसार यो चन्द्र ग्रहणको स्पर्शमा आएमा वृष राशीका मानिसहलाई शारीरिक पीडा हुनेछ भने मिथुन राशीका मानिसहरुका स्त्रीलाई अनिष्ट हुने योग छ ।
तर यो खण्डग्रास ग्रहणले कर्कट, तुला, कुभ्म, र मीन राशीका मानिसहरुलाई भने फलिफाप हुने योग र कर्ककटलाई सन्तानबाट सुख योग रहेको डा. ढकालले बताएका छन् । कुम्भ र मीन राशी भएका मानिसहरुलाई पनि चन्द्र ग्रहणले सकारात्मक फल दिने डा. ढकाल बताउँछन् ।
तर, सिंह, कन्या, वृश्चिक,धनु र मकर राशीका भएका मानिसहरु भने यो ग्रहणबाट टाढै रहेको राम्रो भन्छन् डा ढकाल ।
उनका अनुसार सिंह राशीवालाहरुले यो चन्द्रग्रहण हेरेमा मानसिक अशान्तिले डेरा जमाउने छ । कन्या राशीवालाहरुलाई यो चन्द्र ग्रहणले शारीरिक पीडा दिने योग रहेको डा. ढकालको भनाई छ ।
वृश्चिकको धन हराउने छ भने धनु राशीलाई साथी भाइ र इष्टमित्रबाट घात हुने योग रहेको छ । ढकालका अनुसार मकर राशीलाई खर्च हुने र धनको नास हुने योग छ ।
