Sansar News
अरुण खड्का, कीर्तिपुर , काठमाडौँ
नयनका छटाले हदै गर्न थाले
रुमानी अदाले हदै गर्न थाले
सुनूँ लाग्छ हरपल मधुर बात उनको
वचनका सुधाले हदै गर्न थाले
असर के पर्यो खै प्रियाको मभित्र
जुबानी छुराले हदै गर्न थाले
भएँ लठ्ठ पिउँदा सुरा प्रीतरूपी
अधरका नसाले हदै गर्न थाले
बिना निम्तो आई हृदय पोल्ने गर्छन्
बिगतका कथाले हदै गर्न थाले
बहर : मुतकारिब मुसम्मन सालिम
अर्कान : फऊलुन् , फऊलुन् , फऊलुन् फऊलुन्
वजन : १२२ – १२२ – १२२ – १२२
काफिया : आ (एकाक्षरी स्वर)
तहलिली रदीफ : ले
रदीफ : हदै गर्न थाले
अभ्यास : स्वर्ण पाठशाला
वि.सं.२०८३ साउन ९ शनिवार ०७:५४ मा प्रकाशित
