हामी सबैकाे संसारन्यूज

जेवी जिज्ञासु,सोलुखुम्बु

सुकेका पातले हरियो छु भन्दै छन्
मरेका मान्छे बाँचेको छु भन्दै छन्

कुवाका भ्यागुता दम्भी भए साह्रै
सगरमाथासरी अग्लो छु भन्दै छन्

मलाई दु:खमै छोडे ती साथीले
खुसी देखेर दु:खी पो छु भन्दै छन्

अरूले जे भनून् बन्छन् मपाईँ खुद
घमण्डीले स्वयम् राम्रो छु भन्दै छन्

विदेशी भूमिमा पसिना बहेकाे छ
यहाँ बारीहरू बाँझो छु भन्दै छन्

बहर : हजज मुसद्दस सालिम
अर्कान : मुफाईलुन्, मुफाईलुन्, मुफाईलुन्
वजन : १२२२ – १२२२ – १२२२
काफिया : ओ
रदिफ : छु भन्दै छन्
अभ्यास : परिश्रमी पाठशाला
Anurag forwarded an image
गजल

सुधिर थापा
कुपण्डोल , काठमाडौँ

पीडा जहाँ मेरो अपार हुन्छ
तिम्रो त्यहीँ दुख्ने प्रहार हुन्छ

गल्ती गरेको छैन भन्ने ठान्छु
उल्टै सधैँ दोषी करार हुन्छ

माया उनैलाई म गर्छु जहिल्यै
कोमल स्वयम् जसको हियार हुन्छ

धोका दियाै साँच्चै भने तिमीले
यो दिल निकै मेरो बिमार हुन्छ

राम्रो गरे हाम्रो हुनेछ राम्रो
अन्जानमै , कस्तो विचार हुन्छ

बहर : सरिअ मुसद्दस मक्सुफ ।
अर्कान : मुस्तफ्इलुन् मुस्तफ्इलुन् फऊलुन्
वजन : २२१२ – २२१२ – १२२
काफिया : आर
रदिफ : हुन्छ
अभ्यास : हाम्रो गजल पाठशाला