Sansar News
२ साउन, काठमाण्डौं । नेपाल टेलिकमले पोस्टपेड मोबाइल अब ९४५ मै दिने भएको छ ।
आर्थिक विधेयक २०७६ मा टेलिफोन जडान गर्ने ग्राहकबाट ५०० रुपैयाँ मात्र स्वामित्व लिने व्यवस्था गरिएकोले यसअघिको १५१० रुपैयाँबाट शुल्क घटाईएको हो ।
नयाँ आर्थिक वर्षको शुरुवात २०७६ साउन १ गते बुधबार देखि लागु हुने गरी नै टेलिकमले स्थानीय टेलिफोन (पिएसटिएन) मा समेत शुल्क घटेको जनाएको छ । स्थानीय टेलिफोन (ल्याण्डलाइन) जडान गर्दा २२०० रुपैया तिरेका ग्राहकले अब १६३५ रुपैयाँ तिरे पुग्ने भएको छ ।
यसैगरी टेलिफाने नामसारी तर्फ पनि नेपाल टेलिकमले शुल्क घटाएको छ । टेलिकमका अनुसार १२४३ बाट घटेर अब नामसारीका लागि ६७८ रुपैयाँ कायम भएको छ ।
वि.सं.२०७६ साउन २ बिहीवार १३:०८ मा प्रकाशित
