हामी सबैकाे संसारन्यूज

५ साउन, काठमाडौँ । मनसुन सुरु भएसँगै मुलुकभर आएको वर्षाको कारण बाढी र पहिरोमा परी पछिल्लो १० दिनमा १ अर्ब २ करोड ७२ लाख ४५ हजार ५ सय रुपैयाँ क्ष्ति भएको छ । ३४ जिल्लामा बाढी र पहिरोका कारण १० दिनमा ९० जनाको मृत्यु भएको छ ।
गृह मन्त्रालयको आपतकालिन कार्यसञ्चालन केन्द्रले दिएको तथ्यांकअनुसार २६ असारदेखि परेको अविरल वर्षाका कारण मुलुकभरको जनजीवन प्रभावित भएको छ ।
मानवीय क्षति र प्रतिकार्यको विवरण सार्वजनिक गर्दै केन्द्रका उपसचिव वेदप्रसाल खनालले ३४ जिल्लामा बाढी र पहिरोको प्रकोपले क्षति पुराएको जानकारी दिए ।
‘ १० दिनको अवधिमा ९० जनाको मृत्यु भएको पाइएको छ । भने २९ जना बेपत्ता र ४१ जना घाइते भएका छन् ’ उनले भने । ‘बाढीपहिरोको कारण ३४ जिल्लाका १३ हजार १०१ घरधुरी विस्थापित भएका छन् । ’आइतबारको राजधानी दैनिकबाट