हामी सबैकाे संसारन्यूज

५ मंसीर, काठमाडौं । उर्जामन्त्री जर्नादन शर्मा “प्रभाकर”ले जल विद्युत्मा लगानी गर्न चाहानेलाई ३ दिनभित्र लाइसेन्स दिने घोषणा गर्नु भएको छ ।
“निक इलेक्ट्रो टेक–२०१६” को उद्घाटन कार्यक्रममा मन्त्री शर्माले सो कुरा बताउँदै अरु मन्त्री भन्दा आफू फरक रहेको बताउँदै पहिले के गर्ने भन्ने ठोस कुराको निर्णय गरेर प्रक्रिया पछि मिलाउने बताउनु भयो ।
कार्यक्रममा एक उर्जा व्यवसायीले विद्युतका सम्बन्धमा जानकारी दिने क्रममा युथोपियामा विद्युत्मा लगानी गर्नेलाई त्यहाँको सरकारले तीन दिनमै लाइसेन्स दिने तर नेपालमा वर्षौ कुनुपर्ने बताएपछि उर्जा मन्त्री शर्माले भन्नु भयो “ युथोपिया किन जानु प¥यो र लगानी गर्छु भनेर आउनुस् म यहि पनि तीन दिनमा लाइसेन्स दिन्छु । ” शर्माले लगानीकर्तालाई लगानी गर्न आव्हान गर्दै कर्णाली र चिसा पानी कुन लिनु हुन्छ रोजेर लिन समेत अनुरोध गर्नु भएको थियो ।
मन्त्री शर्माले लगानीकर्ताको रोजाइ अनुसार जुनसुकै आयोजनाको पनि अनुमति दिने प्रतिबद्धता व्यक्त गर्दै विदेशमा बस्ने नेपालीका लागि अनलाइनबाटै लगानी गर्न मिल्ने वातावरण बनाउन लागेको समेत बताउनु भएको थियो ।