Sansar News
६ साउन, काठमाडौँ । मलेसियाका ठूला विश्वविद्यालयले विदेशी विद्यार्थी आकर्षित गर्न थालेका छन् ।
पूर्वाधारसम्पन्न विश्वविद्यालयले विदेशी विद्यार्थीलाई लक्षित गरी कार्यक्रम सञ्चालन गर्न थालेका हुन् । मलेसियाको शिक्षा मन्त्रालयले समेत विदेशी विद्यार्थी आकर्षित गर्न विभिन्न कार्यक्रम ल्याएका छन् ।
विश्वविद्यालयहरुले विदेशी विद्यार्थीका लागि छात्रवृत्ति, होस्टेललगायतका सुविधा उपलब्ध गराएर आकर्षित गरिरहेका छन् । सनवेलगायतका केही निजी विश्वविद्यालयमा नेपाली विद्यार्थीको समेत आकर्षण देखिएको छ ।
इन्जिनियरलगायत्का प्राविधिक तथा नयाँ कार्यक्रम अध्ययन गर्ने विदेशी विद्यार्थीको सङख्या धेरै छ । कतिपय विश्वविद्यालयले करिअर काउन्सिललिङ गर्ने तथा विदेशी विद्यार्थीका लागि कार्यलय नै स्थापना गरेका छन् । सोमबारको नयाँ पत्रिकाबाट
वि.सं.२०७६ साउन ६ सोमवार ०८:२० मा प्रकाशित
