हामी सबैकाे संसारन्यूज

७ साउन, काठमाडौँ । गुठी संस्थानले पचली भैरव गुठीको नाममा लालपुर्जा भएको जग्गामा भवन नबनाउन पटकपटक पत्राचार गर्दा पनि विद्यालायले जग राखेरै छाड्यो । काठमाडौँ महानगरपालिकाबाट नक्सापाससमेत नगरी भवन बनाउन थालेपछि गुठियार, सम्पदा अभियन्तालगायतको जगैसम्म भत्काइदिए । नवौं शताब्दीबाट पुजिँदै आएको पचली भैरवको पोखरी रहेको ठाउँमा टेकुको महेन्द्र सरस्वती सेवा आधारभूत स्कुलले भवन बनाउन लागेको हो । गुठीको आदेशलाई समेत पटकपटक अवज्ञा गरेर भवन निर्माण जारी राखेको भन्दै गुठियारलगायतको भवन भत्काइदिएका थियो । विद्यालयले भने यो ठाउँमा चउर रहेकाले भनव बनाएको दाबी गर्दै आएको छ । भवन निर्माण रोक्न गत जेठ १९ गते गुठी संस्थान काडमाडौँ शाखा कार्यालयले पत्राचारलाई स्कुलले बेवास्ता ग¥यो । त्यसपछि गुठी संस्थान प्रधान कार्यालयले असार १३ गते पत्राचार ग¥यो । त्यसलाई पनि स्कुलले वास्ता गरेन ।
गुठी संस्थानका प्रशासक नारायण चौधरीले पत्र लेखी पटकपटक पत्राचार गर्दा पनि अटेर गरेको आजकै ‘मितिबाट निर्माण स्थागित राखिदिन’ महानगर वडा कार्यालयलाई पत्राचार गरे । यो पत्रको पनि कुनै सुनुवाइ भएन । चौधरीपछि फेरि उपप्रशासक हरिप्रसाद जोशीले पत्राचार गरे असार १८ गते । मंगलबारको कान्तिपुर दैनिक बाट ।