हामी सबैकाे संसारन्यूज

७ साउन, काठमाडौं ।सिराहा, नवलपरासी(पश्चिम) र कञ्चनपुरमा भएका छुट्टाछुट्टै आगलागीबाट करिब १४ लाख रुपैयाँ मूल्य बराबरको धनमाल जलेर नष्ट भएको छ ।

सिराहा, भगवानपुर गाउँपालिका१ सुमेरिया बस्ने २२ वर्षीय लालवाबु यादवको घरमा मिटरमा अचानक करेण्ट सर्ट भई सोमबार दिउँसो आगलागी हुँदा सोही ठाउँ बस्ने ६० वर्षीया मलारी यादवको घरमा समेत फैलिएर आगलागी हुँदा दुबै जनाको लत्ताकपडा, भाँडावर्तन, अन्नपात र नगद समेत जलेर करिब ६ लाख रुपैयाँ बराबरको धनमाल नष्ट भएको छ ।

नवलपरासी(पश्चिम), पाल्हिनन्दन गाउँपालिका-२ गोपालपुरस्थित सुरेन्द्र गुप्ताको घरमा करेण्ट सर्ट भई सोमबार दिउँसो आगलागी हुँदा करिब २ लाख बराबरको धनमाल जलेर नष्ट भएको छ ।
कञ्चनपुर, सुक्लाफाँटा नगरपालिका-६ कचरलस्थित खडक सेतीको घरमा विद्युत सर्ट भई सोमबार बिहान आगलागी हुँदा करिब ६ लाख रुपैयाँ बराबरको धनमाल जलेर नष्ट भएको छ ।
सशस्त्र प्रहरी बल, स्थानीय बासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको बताइएको छ ।