हामी सबैकाे संसारन्यूज

९ साउन, काठमाडौँ । काठमाडौँ जिल्लाको दक्षिणकाली नगरपालिका स्थित फर्पिङ जलविद्युतआयोजना नेपालको बिजुली इतिहासमा महत्वपूर्ण प्रारम्भ हो ।

वि.सं १९६८ जेठ ९ गतेबाट सञ्चालनमा आएको यो परियोजना निर्माणको शुरुवाती वि.सं १९६४ मा भएको थियो । ४ वर्षको प्रयासपछि यसमा विजुली बाली तत्कालिन नेपालका ठूलाबडा ,घरानीयाशाह र राणाकहाँ आपुर्ति गरिएको थियो ।

तत्कालिन राजा पृथ्वीवीर विक्रमशाहले उद्घाटन गरेको यो जलविद्युत आयोजना दक्षिण एसियाको दोस्रो मानिन्थ्यो भने नेपालको पहिलो हो । २५० को दरले २ वटा युनिटबाट ५०० किलोवाट जडित क्षमताको उक्त परियोजना त्यतिवेला ७ लाख १३ हजार २ सय ७३ रुपैयाँमा बनेको थियो । खानेपानीको लागि जलाशयको पानी डाइभर्ट भएपछि वि.सं २०५८ देखि सो परियोजनाबाट उत्पादन बन्द भएको छ ।

वि.सं १९६८ देखि २०७६ सम्मको १०८ बर्षमा नेपालले मात्र १ हजार मेगावाटको उत्पादन पुराएको छ । इतिहास बचाउन भएपनि सो परियोजनाको संरक्षण र उत्पादन प्रक्रिया चालु गर्नुपर्ने माग जनताको रहिआएको छ ।