हामी सबैकाे संसारन्यूज

९ साउन, रामेछाप । रामेछाप जिल्लाको साँघुटार बजारमा आगोलागी भएको छ । बिहिबार बिहान साघुटारमा भएको आगलागीबाट करोडौको क्षति भएको छ ।

निर्माण ब्यबसायि समेत रहेका राजन सुवेदिको घरमा बिजुली सर्ट भई स्टोर गरी राखेको डिजेल र पेट्रोलका ड्रम अकस्मात विष्फोट हुदा धेरै ठुलो आगोको मुस्ला उत्पन्न भएको स्थानीयबासीले बताएका छन । बिहान ८ ३० बजेबाट शुरु भएको आगो पुर्णरुपमा नियन्त्रणमा आएपछि क्षतिको अनुमानित आकडा निकालिएको प्रहरी सहायक निरीक्षक भुवन श्रेष्ठले बताएका छन ।

आगलागीबाट राजन सुवेदीको घर, अंकित श्रेष्ठको साढै दुई तले पक्की भवन र पसल, हरीमाया मगर र अनिश मगरको बासस्थान तथा छाप्रो नष्ट भएको छ । यस आगलागीबाट करिब २ करोड ८८ लाखको क्षतिभएको जनाइएको छ ।