हामी सबैकाे संसारन्यूज

१० साउन, काठमाण्डौं । पछिल्लो चार दिनमा चार प्रहरी घुससहित पक्राउ परेका छन् । आइतबार, सोमबार, र बुधबार अख्तियार दुरुपयोग अनुसन्धान आयोगले चार प्रहरीलाई पक्राउ गरेको हो । बुधबार साँझ महानगरीय प्रहरी वृत गैशाला काठमाण्डौंका प्रहरी नायब निरीक्षकद्धय रमेशबाहादुर पाण्डे र राजु स्वर्णकारलाई आयोगले पिंगलास्थानबाट पक्राउ गरेको थियो ।
सार्वजनिक मुद्दामा केस चाँडै मिलाएर छुटाइने भन्दै उनिहरुले १८ हजार रुपैंया घुस लिएका थिए । पक्राउ परेका अभियुत्तका आफन्तसगँ उनिहरुले पैसा लिएका थिए । पक्राउ परेका प्रहरी मुद्दा शाखामा कार्यरत भएकोले यसमा अन्य प्रहरीको पनि संलग्नताको आशंका गरिएको छ । सोमबार अस्थायि ट्राफिक प्रहरी पोस्ट कोसी कटान, सुनसरीमा कार्यरत प्रहरी जवान भरत कटुवाल पक्राउ परेका थिए । काँकडभिट्टा काठमाण्डौं चल्ने गाडी सञ्चालनमा सहजता गरदिने भन्दै उनले पाँच हजार रुपैंया घुस लिएका थिए । शुत्रबारको नयाँ पत्रिकाबाट ।