हामी सबैकाे संसारन्यूज

१३ साउन,काठमाण्डौ, । महानगरीय प्रहरी वृत्त बालाजुबाट खटिएको प्रहरी टोलीले लागुऔषध सहित २ जनालाई पक्राउ गरेको छ ।

प्रहरीले आइतबार काठमाण्डौ नागार्जुन नगरपालिका-४ बाफल मातादेवी पेट्रोल पम्प नजिक चेकजाँच गर्दा काठमाण्डौ चन्द्रागिरी नगरपालिका-६ का सुजन खड्का र रामेछाप गोश्वारा घर भई काठमाण्डौ नागर्जुन नगरपालिका-४ बाफल बस्ने साजन थापा मगरलाई पक्राउ गरेको हो ।

उनीहरुको साथबाट लागुऔषध नुफिन, डाईजोपाम र फेनरागन गरी जम्मा १३५ एम्पुल लागुऔषध बरामद गरी आवश्यक अनुसन्धान गरिरहेको छ ।

यसै गरी महानगरीय प्रहरी वृत्त स्वायम्भूबाट खटिएको प्रहरी टोलीले लागुऔषध सहित १ जनालाई पक्राउ गरेको छ । प्रहरीले आइतबार करिव ८ बजेतिर काठमाण्डौ महानगरपालिका-१५ सोल्टी दोबाटोमा चेकजाँच गर्ने क्रममा सर्लाही हरिवन-१० घर भई काठमाण्डौ कलंकी बस्ने पूर्ण बहादुर घिमिरेको साथबाट नाईट्राभेट ४५ ट्याब्लेट बरामद गरेको छ । निजलाई नाईट्राभेट ४५ ट्याब्लेट सहित नियन्त्रणमा लिई आवश्यक अनुसन्धान गरिरहेको प्रहरीले बताएको छ ।