हामी सबैकाे संसारन्यूज

१४ साउन, काठमाडौँ । बुटवल उप–महानगरपालिका नगर कार्यपालिकाको कार्यलयले विभिन्न पदको लागि इच्छुक तथा योग्यता पुगेका कर्मचारीहरुको माग गरेको छ ।
उप–नगरपालिका नगर कार्यपालिकाले सिभिल इन्जिनियरमा दुई, (आर्किटेक्ट) इन्जिनियर एक, स्टुक्चर इन्जिनियर एक, सब इन्जिनियर पन्ध्र, सब इन्जिनियर इलेक्ट्रिकल एक, अ सब इन्जिनियरमा दश कर्मचारीको माग गरेको छ । कार्यलयका अनुसार मान्यता प्राप्त शिक्षण संस्थाबाट सिभिल ईन्जिनियरीङ्गमा वि.ई तथा सो सरह उत्तिर्ण भएको हुनुपर्ने र परिक्षाको किसिम लिखित तथा अन्तर्वाता रहेको जनाएको छ ।
उक्त कार्यलयका लागि देहाय बमोजिमका पदहरु करार सेवा मार्फत आ.ब ०७६÷०७७ का लागि पूर्ति गर्नुपर्ने भएकोले इच्छुक उम्मेदवारहरुले तोकिएको ढाँचामा रितपूर्वक दरखास्त फारम भरि नागरिकता प्रमाण पत्रको प्रतिलिपि÷शैक्षिक योग्यताको प्रमाणपत्रको प्रतिलिपि एवम् परिक्षा दस्तुर वापत बुझाएको नगदी रसिद संलग्न गरि सूचना प्रकाशित मितिले १० दिनभित्र यस उप–महानगरपालिका नगर कार्यपालिका कार्यलयको प्रशासन शाखामा दरखास्त पेश गर्नुपर्ने जनाएको छ ।