हामी सबैकाे संसारन्यूज

१५ साउन । लोकसेवा आयोगको लिखित परीक्षाको तयारी गरिरहनु भएकाहरुलाई सूचना छ ।

कसेवा आयोगले अत्यन्त जरुरी भन्दै जारी गरेको सूचना अनुसार लोकसेवा आयोगको लिखित परीक्षा सकीएपछि प्रश्नपत्र फिर्ता गर्नुपर्ने हुन्छ । तर फिर्ता नगरी नगरी आफूसाथ लानुभयो वा प्रतिलिपि गरी सामाजिक सञ्जालमा पोष्ट गर्नु भयो भने कारवाही गर्ने जनाएको छ ।

जारी सूचनामा भनिएको छ “लोक सेवा आयोगको लिखित परीक्षामा प्रश्नपत्र फिर्ता गर्नुपर्नेमा नगरी आफूसाथ लगेमा वा प्रतिलिपि गरी सामाजिक सञ्जालमा पोष्ट गर्ने वा सोही प्रकारका अन्य काम कारवाही गरेमा प्रचलीत कानून बमोजिम कारवाही हुने व्यहोरा सम्बन्धित सबैको जानकारीको लागि सूचित गरीन्छ।”

यसैगरी आयोगले लोकसेवाबाट लिइने परीक्षामा सहभागी परीक्षार्थीले परीक्षा हलमा झोला, मोबाइल तथा अन्य इलेक्ट्रोनिक डिभाइसहरु लैजान निषेध गरेको छ । त्यस्ता सामग्रीहरु परीक्षा केन्द्रको गेटबाटै भित्र लैजान नपाइने सूचित गरिएको छ ।