हामी सबैकाे संसारन्यूज

२४ साउन, काठमाण्डौं । हालै मात्र अफिसियल ट्रेलर सार्वजनिक गरिएको नेपाली फिल्म जाइरामा नायिका नम्रता श्रेष्ठ विगतका फिल्ममा भन्दा फरक भूमिकामा देखिएकी छन् ।

अनुप विक्रम शाही र प्रमेद अग्रहरिको मूख्य भूमिका रहेको फिल्म ‘जाइरा’ मा नायिका नम्रता मार्सल आर्टकी खेलाडीको भूमिकामा देखा परेकी हुन् ।

बुधबार राजधानीमा ट्रेलर सार्वजनिक गरिएको ‘जाइरा’मा प्रेम, यौन, आक्रोश, बदलालाई मूख्य विषयका रुपमा देखाउन खोजिएको छ ।

नायिका श्रेष्ठ आफै निर्मात्री रहेको उक्त फिल्मको निर्देशन आषुतोष राज श्रेष्ठ, र निरोज महर्जन तथा आशुतोषकै पटकथा रहेको उक्त चलचित्र जाइरामा लोकेश बजाचार्यको सम्पादन, सम्राट बस्नेतको द्धन्द्ध, बाबु श्रेष्ठको छायांकन र सुजाता श्रेष्ठ, सिर्जना रेग्मी, रेमनदास र सम्राट मगरको मुख्य भूमिका रहेको छ । जाइरा २३ अगस्त ( भाद्र ६ गते) प्रदर्शनमा आउँदैछ ।