Sansar News
फैसला जस्तो आओस् मन्जुर हुनुपर्छ ।
लड़ाई होस् या प्यार भरपुर हुनुपर्छ ।
उमेर पुग्यो भन्दै काहाँ मिल्छ छाडा हुन्
जोडी बाँधिन त एउटा दस्तुर हुनुपर्छ ।
आँखाले हेरेकै भरमा पेट भरिन्छ काहाँ
गरिखान त मेहनती मजदूर हुनुपर्छ ।
पिडा कस्ले बुझ्ने स्वार्थी संसार भयो
मागिखाने त असक्त या मजवुर हुनुपर्छ ।
मैले के गरे मलाई नै थाहा छैन हिजो !
उनको दिलबाट हट्न मेरै कसूर हुनुपर्छ ।
धेरै भो हातले ठेला उठाई मेहनत गरेको
अब त यी हातहरुमा कोहिनुर हुनुपर्छ ।
रानिपुल सिक्किम
वि.सं.२०७६ साउन २५ शनिवार ०९:१८ मा प्रकाशित
