Logo
२ कार्तिक २०७८, मंगलवार
     Tue Oct 19 2021
E-paper
  English Edition
   Unicode
Logo

टिपताला भञ्ज्याङको सडक निर्माण सरकारको विशेष प्राथमिकता : प्रधानमन्त्री दाहाल



७ मङ्सिर, ताप्लेजुङ  । प्रधानमन्त्री पुष्पकमल दाहालले ताप्लेजुङको ओलाङ्चुङगोलास्थित चीनको तिब्बतसँग सीमा जोडिएको टिपताला भञ्ज्याङसम्मको सडक निर्माण गर्न सरकारले विशेष प्राथमिकता दिने बताउनुभएको छ ।

कञ्चनजङ्गा हीरक महोत्सवको आज यहाँ उद्घाटन गर्दै उहाँले ताप्लेजुङको पर्यटन विकासका लागि तिब्बतको सीमा जोड्ने ओलाङ्चुङगोला लोकमार्गको निर्माण, तमोर करिडोर निर्माण, दोभानको मोटर गुड्न पुललगायत पूर्वाधार निर्माणका लागि विशेष पहल गरिने बताउनुभयो ।

भौतिक पूर्वाधारको अपेक्षित विकास नहुँदा यहाँका स्थानीयबासिन्दाको जीवनस्तर तुलनात्मकरुपमा कठिन बन्दै गएकामा आफू सचेत भएको उल्लेख गर्दै प्रधानमन्त्री दाहालले पिछडिएका एवम् दुर्गम क्षेत्रको विकासका लागि सरकारले योजनाबद्ध रुपमा काम गरिरहेको बताउनुभयो ।

पर्यटन विकासका लागि जलवायु परिवर्तन मुख्य चुनौती भएको उल्लेख गर्दै उहाँले जलवायु अनुकूलन योजना निर्माणमा समेत सरकार सजग भएको बताउनुभयो । जलवायु परिवर्तनको असर खासगरी हिमाली क्षेत्रमा बढी देखिएको र यसले मानिसको जनजीवनमा समेत प्रत्यक्ष असर गरेको उहाँको भनाइ थियो ।

प्रधानमन्त्री दाहालले गत वर्षको बाढीपहिरोबाट विस्थापितलाई पुनःस्थापना गराउने विषयमा समेत सरकार प्रतिबद्ध भएको बताउनुभयो ।

महोत्सवमा श्रममन्त्री, पर्यटन मन्त्रालयका सचिव, पर्यटन बोर्डका अध्यक्ष, व्यवस्थापिका–संसद्, विकास समितिका सभापतिलगायतको उपस्थिति थियो । जिल्लाको सुकेटारमा आजदेखि सुरु भएको कञ्चनजङ्गा हिरक महोत्सव बिहीबार सम्पन्न हुने बताइएको छ । रासस


यो खबर पढेर तपाईलाई कस्तो महसुस भयो ?

काठमाडौं । प्रमुख प्रतिपक्षी दल नेकपा (एमाले)को अनुरोध पछि प्रतिनिधि सभाको बैठक २ दिनका

काठमाडौँ । पछिल्ला दिनमा झण्डै २०० केन्द्रीय सदस्य थप्दा पनि केहि पर्नै पर्ने ब्यक्तिहरु

काठमाडौं । सत्तारुढ नेपाली कांग्रेस गुटगत राजनीतिले निकै आक्रांत छ । सरकार वा पार्टीगत

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको