हामी सबैकाे संसारन्यूज

८ मंसिर, काठमाडौं । सरकारले संसद्मा संविधान संशोधन प्रस्ताव दर्ता गर्ने अन्तिम तयारी गरेको छ भने प्रमुख प्रतिपक्षी दल एमालेले सडक र सदनबाट प्रतिबाद गर्ने भएको छ । एमालेले आफ्ना भातृ संगठनलाई सडक आन्दोलनका लागि तयार गरिसकेको छ ।
अध्यक्ष केपी शर्मा ओलीसहितका शीर्ष नेताले एमालेको सहमति बिना संविधान संशोधन अघि बढाइए प्रतिवाद गर्ने चेतावनी दिदैं आएका छन् । सोमबार राति सत्तारुढ कांगे्रस र माओवादीका नेताहरुसँगको भेटमा ओलीले संशोधनको प्रस्ताव आए “प्रतिपक्षको भूमिका” देखाउने बताइसकेका छन् ।
संशोधन प्रक्रिया अगाडि बढे सडकमा प्रदर्शन गर्ने तयारी अनेरास्ववियु र युवासंघले गरेको पनि आजको नयाँपत्रिका दैनिकमा समाचार छ ।