हामी सबैकाे संसारन्यूज

७ मङ्सिर,  भोजपुर । प्रधानमन्त्री पुष्पकमल दाहालले भोजपुरका अग्निपीडितको पुनःस्थापनाका लागि पहल गर्ने आश्वासन दिनुभएको छ ।

आज अपराह्न आगलागीबाट क्षति भएका घरको अवलोकनका लागि यहाँ आउनुभएका प्रधानमन्त्री दाहालले अवलोकनपछि आयोजित कार्यक्रममा अग्निपीडितको राहतका बिषयमा जिल्लाबाट गृह मन्त्रालयमा सुझाव पठाउन सम्बन्धीत निकायलाई निर्देशन दिनुभयो ।

जिल्लाबाट प्राप्त भएका सुझावका आधारमा सरकारले राहात प्याकेज ल्याउने बताउँदै उहाँले भोजपुर बजार जोखिमपूर्ण रहेकाले यहाँका जनप्रतिनिधि र पीडितसँग सल्लाह गरी यसलाई कसरी व्यवस्थित गर्न सकिन्छ, यसबारे सुझाव पेस गर्न प्रमुख जिल्ला अधिकारीलाई निर्देशन पनि दिनुभयो ।

यसैबीच अग्निपीडितलाई स्थानीय प्रशासनले सदरमुकामस्थित बानेश्वर गुठीको जग्गामा सामूहिक आवास निमार्ण गरी व्यवस्थापन गर्ने काम अगाडी बढाएको छ ।

भोजपुर सदरमुकामस्थित भोटेपसलमा आइतबार भएको भीषण आगोलागीमा आठघर जलेर नष्ट भएका थिए भने पाँच घरमा आंशिंक क्षति पुगेका थिए । रासस