हामी सबैकाे संसारन्यूज

१ भदौ, काठमाण्डौं । कर्णाली प्रदेशका मुख्यमन्त्री महेन्द बहादुर शाहीले आफ्नै मन्त्रीलाई बर्खास्त गरेका छन् ।

मन्त्री मुख्यमन्त्री शाहीले कर्णाली प्रदेशका पूर्वाधार तथा योजनामन्त्री खड्क बहादुर खत्रीलाई राजिनामा दिन गरेको आग्रहमा नटेरेपछि बर्खास्त गरेका हुन् ।

मन्त्री खत्रीसहित पाँचजनाले १ करोड १० लाख ८० हजार रकमको कृषि विकास बै.क भोजपुरबाट जारी नक्कली झुटो, किर्ते बैंक ग्यारेन्टीको पत्र जिल्ला प्राविधिक कार्यालय भोजपुरमा पेस गरेको ठहर गर्दै उच्च अदालत पाटनले खत्रीलाई पक्राउ पूर्जी जारी गरेको थियो ।

अन्य अभियुक्तहरु छविलाल ढकाल, रणधीर तुम्बा र देवजंग शाहीलाई अदालतमा उपस्थित गराइएको छ भने मन्त्री खत्री र राजुप्रसाद श्रेष्ठmलाई अदालतको आदेशमा फरार अभियुक्त भनिएको छ ।

उच्च अदालत पाटनले सोमबार मन्त्री खत्रीलाई पक्राउको आदेश दिएको पनि आइतबारको कारोबार दैनिकमा समाचार छ ।

पार्टीका शिर्ष नेताहरुसँगको छलफलपछि मन्त्री खड्कालाई बर्खास्त गरिएको कर्णाली प्रदेश सरकारका सांसद पदम रोकायाले बताएका छन् ।