हामी सबैकाे संसारन्यूज

१ भदौ, काठमाण्डौं । नेपालमा रोजगारीको सम्भावना नभएको भन्दै दिनहुँ हजारौ नेपाली युवा विदेश पुगिरहेको अवस्थामा नेपालमा यो वर्ष मात्रै दुई हजार विदेशीले रोजगारीका लागि श्रम स्वीकृति लिएका छन् ।

भूकम्पपछि देशमा निर्माणको काम धमाधम भइरहेको अवस्थामा ती विदेशी कामदार ती परियोजनामा काम गर्नका लागि नेपाल आएका हुन् । २०७४÷०७५ मा नेपालमा रोजगारीका लागि श्रम स्वीकृत लिनेको संख्या १६ सय ४३ जना रहेका थिए भने आर्थिक वर्ष ०७५÷७६ मा २ हजारको हाराहारीमा पुगेको छ ।

यसमध्ये पनि अघिल्लो आवमा १ हजार ३५ नयाँ आवेदकलाई श्रम स्वीकृति दिइएको थियो भने ५८८ जना पुरानाको श्रम स्वीकृति नविकरण गरिएको आइतबारको कारोबार दैनिकमा समाचार छ । यस्तै गत आवमा १ हजार ११९ नयाँलाई श्रम स्कृति दिइएकोमा ८६२ गैरनेपालीको श्रम स्वीकृति नविकरण गरिएको थियो ।

श्रम तथा व्यवसाय जन्य सुरक्षा विभागले सार्वजनिक गरेको तथ्यांकमा नेपालमा रोजगारीका लागि श्रम स्वीकृति लिनेमा सबैभन्दा बढी चिनियाँ नागरिक रहेका छन् ।