हामी सबैकाे संसारन्यूज

५ भाद्र, काठमाण्डौं । फिल्म निर्माता गोविन्द शाही पक्राउ परेका छन् । शाहीलाई लेनदेनको विवादमा बुधबार कमलपोखरीबाट पक्राउ गरिएको हो ।

फिल्म वितरक तथा निर्माता रहेका शाहीको लगानीमा रहेको ‘लिलिबिली’ गतवर्ष रिलिज भएको थियो । यस फिल्मका अन्य दुई निर्माता मिलन चाम्स र सुदीप खड्काले फिल्मबाट उठेको ८७ लाख ७४ हजार सात सय ६५ रुपैयाँ हिनामिना गरेको भन्दै शाही विरुद्ध प्रहरीमा उजुरी गरेका थिए ।

यहि उजुरीका आधारमा महानगरीय अपराध महाशाखाको टोलीले उनलाई नियन्त्रणमा लिएको बुधबारको नयाँपत्रिका दैनिकले लेखेको छ ।

उनीविरुद्ध आपराधिक लाभको अभियोग छ । शाहीले पछिल्लो समय फिल्म ‘लभ स्टेसन’ निर्माण गरेका थिए । उनी कुनै समय अभियनयमा पनि सक्रिय थिए ।