Sansar News
५ भाद्र, काठमाण्डौं । सिंगापुरमा उपचार गरेर फर्किएको १० दिनपछि प्रधानमन्त्री केपी शर्मा ओली पुन : उपचारकै लागि सिंगापुर जाने भएका छन् ।
सिंगापुरमा १० दिनको उपचारपछि साउन २७ गते स्वदेश फर्किएका प्रधानमन्त्री फर्किएको १० दिनपछि आज फेरि उपचारका लागि सिंगापुर जाँदैछन् ।
प्रधानमन्त्री दिउसो साढे १ बजे थाई एयरबाट सिंगापुर जान लागेका हुन् । प्रधानमन्त्रीसँगै उनकी श्रीमती राधिका शाक्य प्रमुख सल्लाहकार विष्णु रिमाल, निजी चिकित्सक दिव्य साह लगायतको टिम जाने पनि प्रधानमन्त्रीको सचिवालयले जनाएको छ ।
प्रधानमन्त्री ओली लामो समयदेखि मिर्गौला रोगको विरामी रहेका छन् । साउन २७ गते सिंगापरुबाट फर्किएका ओलीले सिंगापुरमा भएको स्वास्थ्यउपचारबारे कसैलाई पनि बताएनन् ।
वि.सं.२०७६ भदौ ५ बिहीवार ०८:३५ मा प्रकाशित
