हामी सबैकाे संसारन्यूज

५ भदौ, काठमाडौं । नेपाल स्टक एक्सचेन्ज लिमिटेडले वाणिज्य बैंकहरूको सहायक कम्पनीहरूमार्फत धितोपत्र कारोबारको अनुमति (ब्रोकर लाईसेन्स) दिने प्रकृया तत्कालको लागि स्थगन गरेको छ ।

नेप्सेका अनुसार संघिय संसद् प्रतिनिधि सभाको अर्थसमितिबाट यही साउन ३० गते प्राप्त पत्रको भावनाअनुसार नेप्सेको यही भदौं दुई गते बसेको सञ्चालक समितिको निणर्य अनुसार लाईसेन्सको प्रकृया तत्कालको लागि स्थगन गरिएको हो ।

यसअघि नेप्सेले साउन १७ गते सार्वजनिक सूचना जारी गरी वाणिज्य बैंकहरूलाई सहायक कम्पनीमार्फत सेयर कारोबार गर्नका लागि ब्रोकर लाईसेन्स लिन आह्वान गरेको थियो ।

तर बैंकको संसद्को अर्थसमितिमा वाणिज्य बैंकहरुको ब्रोकर लाईसेन्सको कुरा उठेपछि सोहीअनुरूप अर्थ समितिको निर्णय अनुसार नै लाइसेन्सको प्रकृया हालको लागि स्थगित गरिएको नेप्सेले जानकारी दिएको छ ।