हामी सबैकाे संसारन्यूज

६ भदौ, काठमाडौँ । साउन अन्तिम साता काठमाडौँ उपत्यकामा देखिएको डेंगी संक्रमण बढ्ने क्रममा रहेको राष्ट्रिय इपिडिमियोलोजी तथा रोग नियन्त्रण महाशाखाले जनाएको छ ।

बुधबारसम्ममा काठमाडौँमा १७ जनामा डेंगी संक्रमण प्रमाणित भएको तथ्यांक महाशाखामा प्राप्त भएको छ । अन्यत्रबाट रेफर भएर आएका बिरामीसहित यो सङ्ख्या ४९ पुगेको महाशाखाका प्रवक्ता घाश्याम पोखरेलले बताए ।

चिकित्सकका अनुसार एडिस एजिप्टाई नामक लामखुट्टेको टोकाइबाट मानिसमा डेंगी संक्रमण हुन्छ । यो लामखुट्टे कालो तथा सेतो मिसिएको छिर्केमिर्के हुन्छ । डेंगीभाइरस संक्रमित भएका लामखुट्टेले टोकेको अवस्थामा मानिसलाई पनि डेंगी संक्रमण हुन्छ ।

यो लामखुट्टेले टोकेको सातदेखि १० दिनभित्रमा लक्षण देखिन थाल्छ । ज्वरो आउने, जिउ करकरी दुख्ने, आँखाको गेडा दुख्ने, बान्ता हुने, टाउको दुख्ने।शरीरमा रातो भाग देखिने लगायतको लक्षण देखिन्छ । शुक्रबारको नागरिक दैनिकबाट