१८ भदौ, काठमाडौँ । कुनै महिलाले आफूबाट जन्मेको बच्चाको बाबु पत्ता लाग्न नसकेको स्वःघोषणा गरे त्यस्ता बालबालिकाले वंशज वा अंगीकृत नागरिकता पाउने विषयमा सहमति जुटेको छ । तर घोषणा गलत भएको देखिएमा के कारबाही गर्ने भन्नेबारे भने सहमति जुट्न सकेको छैन
प्रतिनिधिसभाको राज्यव्यवस्था समितिको मंगलबारको बैठकमा उपसमितिको प्रतिवेदनमाथिको छलफलको क्रममा यस विषयमा सहमति हुन नसकेको हो । सहमतिअनुसार बलात्कारबाट, लिभिङ टुगेदर वा अन्य कारणले जन्मेको बच्चालाई आमाको स्वःघोषणाका आधारमा विदेशी बाबु रहेछ भने अंगीकृत र नेपाली बाबु रहेछ भने वंशजको नागरिकता पाउँनेछन् ।
वंशजको नागरिकता लिन आमाले झूटो स्वःघोषणा गरेमा त्यसलाई कस्तो सजाय दिने भन्ने विषयमा समितिमा एक मत हुन नसकेपटी बैठक स्थगित भएको छ । नागरिक दैनिकबाट
वि.सं.२०७६ भदौ १८ बुधवार ०७:४५ मा प्रकाशित
