Sansar News
१९ भदौ, काठमाण्डौं । कृषि तथा पशुपंक्षी मन्त्री चक्रपाणी खनाल ‘बलदेव’ लाई डेंगुको संक्रमण देखिएपछि धापासीस्थित ग्रान्डी अस्पताल भर्ना भएका छन् ।
ज्वरो बढेपछि बुधबार ललितपुरको निदान अस्प्तालमा जचाउन पुगेका मन्त्री खनाललाई निदानले डेंगुको आशंका गर्दैे शुक्रराज ट्रपिकल तथा सरुवारोग अस्पताल टेकुमा पठाएको थियो ।
मन्त्री खनाललाई अहिले ग्राण्डिमा भर्ना गरेर उपचार गरिएको र अहिले उनको अवस्था सुधारोन्मुख भएको मन्त्रीका प्रेस संयोजक बोमलाल गिरीले जानकारी दिएका छन् ।
स्मरणरहोस् पछिल्लो अवस्थामा डेंगुको संक्रमण बढेपछि नियन्त्रणका लागि सरकारले नेपाल प्रहरी तथा सेनाको सहयोग मागेको थियो ।
वि.सं.२०७६ भदौ १९ बिहीवार १३:३२ मा प्रकाशित
