हामी सबैकाे संसारन्यूज

१९ भाद्र, झापा । स्वदेश तथा विदेशमा रहेका नेपालीहरुले सहयोग जुटाएर झापाको बृद्धशान्ति ४ मा विहीबार एक ६५ वर्षीया आमा गहुमति माखिमलाई घर हस्तान्तरण गरिएको छ ।

न्यू एभर ग्रीन अंग्रेजी स्कुल बृद्धशान्ति ४ का प्रिन्सिपल तीलक पाख्रिनको अगुवाईमा सहयोगी दाताको आर्थिक सहयोग रु. २ लाख ३३ हजारमा निर्माण गरिएको ईटा र टिनले बनाइएको घर तथा शौचालय एक कार्यक्रमको आयोजना गरि उनलाई हस्तान्तरण गरिएको हो ।

माखिमका श्रीमान् तुलसीरामको ७३ सालमा करेन्ट लागेर निधन भएको थियो भने उनकी छोरीको पनि गत बर्ष साउनमा वैदेशिक रोजगारीको शिलशिलामा इराकमा निधन भएको थियो ।

विष्णु सापकोटाले सञ्चालन गरेको उक्त कार्यक्रममा कमजोर आर्थिक अवस्थाबाट गुज्रिरहेकी माखिमको बाँकी जिवन सहज ढंगले वितोस् भनेर स्वदेश तथा विदेशमा हुने नेपालीहरुले गरेको सहयोगबाट निर्माण गरिएको उक्त घर हस्तान्तरण गरिएको प्रिन्सिपल पाख्रिनले बताए ।