हामी सबैकाे संसारन्यूज

१९ भदौ, ओमान । ओमानका लागि नेपाली राजदूत शर्मिला पराजुली ढकाल र ओमानको परराष्ट्र मन्त्रालयका सचिव शेख खलिफा अल हाथीबिच भेटवार्ता भएको छ ।

दूतावासमा आयोजित उक्त भेटवार्तामा सौहार्दपूर्ण तथा मैत्रीपूर्ण वातावरणमा छलफल भएको बताइएको छ । उक्त भेटघाटमा दुई देशबीचको सम्बन्धलाई अझ प्रगाढ बनाउने विषयमा कुराकानी भएको बताइएको छ ।

सो अवसरमा राजदूत ढकालले नेपाल र ओमानबीच भएका विभिन्न सम्झौताहरू, सहकार्य तथा अन्य पारस्पारिक गतिविधिहरूको बारेमा भएको पछिल्लो प्रगतिबारे आफ्ना भनाई राखेकी थिइन् ।

त्यस्तै ओमानका परराष्ट्र सचिवले यसरी दुई देशबीच आर्थिक, साँस्कृतिक, लगानी, मानव स्रोत–साधन तथा पर्यटनका विषयमा भएका प्रगतिबारे सन्तोष प्रकट गर्दै आगामी दिनमा त्यसलाई निष्कर्षमा पुर्याउन ओमानको तर्फबाट थप प्रतिवद्धता जाहेर गरेको दूतावासले जारी गरेको विज्ञप्तिमा जनाइएको छ ।

उक्त भेटघाटमा ओमानको परराष्ट्र मन्त्रालयका पश्चिम एसिया महाशाखा प्रमुख हिलाल मरहून र सलिम अल ममारी समेतको उपस्थिति रहेको राजदूत ढकालले बताइन् ।