हामी सबैकाे संसारन्यूज

१९ भदौ, लुम्बिनी । रुपन्देहीमा एक श्रीमानले श्रीमतीमाथि निर्घात कूटपीट गरेका छन् ।

पीडित पक्षले दिएको जानकारी अनुसार गैडहवा गाँउपालिका वडा नं. ३ खडईचवा बस्ने अन्दाजी २५ बर्षीय सुवास कहाँरले २३ बर्षीया नयनज्योति कहाँरलाई घरायसी बिबादकारण निर्घात
कूटपीट गरेका हुन् ।

श्रीमानको कूटाईबाट कहाँरको दाहिने हात भाँचिनुका साथै शरीरको अन्य भागमा समेत नीलडाम परेको छ ।

उनले पैसा माँग्दा नदिएपछि घाँटीमा लगाएको मंगलशूत्र खोसेर महिलवार बजारको एक सुनचाँदी पसलमा बिक्री गरि पैसा लिएर फरार भएको पीडितको गुनासो छ ।

सो सम्बन्धमा ईलाका प्रहरी कार्यालय लुम्बिनीसँग बुझ्दा अहिलेसम्म त्यस्तो जाहेरी नआएको र जाहेरी आए कारबाही प्रक्रिया अगाडि बढाउने बताएका छन् ।