हामी सबैकाे संसारन्यूज

२४ भदौ, काठमाडौँ । नेपालमा अपराध गरेर फरार विदेशी नागरिकको सङ्ख्या १ हजार ३५७ पुगेको छ । यसरी फरार हुने सूचीमा भारत, चीनसहित ४१ मुलुकका नागरिक रहेको सर्वाेच्च अदालत फैसला कार्यान्वयन निर्देशनालयले देखाएको छ ।

अदालतबाट दोषी ठहर भएका फरार विदेशी अपराधीको कैद र दण्ड जरिवाना पनि असुलउपर हुन सकेको छैन । २०१९ सालयता नेपालमा अपराध गरेर फरार हुने विदेशीको सङ्खया वृद्धि भएको देखिन्छ ।

नेपाललाई अपराधको ट्रान्जिट प्याइन्ट बनाउने विदेशी अपराधीको सङ्ख्या बढिरहेको फैसला कार्यान्वयन निर्देशनालयको तथ्यांकले देखाएको छ । विदेशी अपराधी फरार हुँदा राज्यले उठाउनुपर्ने ५ अर्ब रूपैयाँ बढी जरिवाना समेत संकटमा परेको छ ।

फैसला निर्देशनालयको तथ्यांकअनुसार कैद तथा भुक्तान असुल गर्नुपर्ने विदेशी अपराधी सबैभन्दा धेरै झापामा २४२ जना छन् । चितवनबाट ६५ भारतीय अपराधी फरार छन् । तीमध्ये अधिकांश जबर्जस्ती करणी, लागूऔषध र चोरीको घटनामा संलग्न छन् । मंगलबारको राजधानी दैनिकबाट